பிஸ்மில்லாஹ் ஹிர் ரஹ்மான் நிர் ரஹீம்
அன்பான சகோதர சகோதரிகளே...
மேன்மைமிகு ரமதான் மாதம் ஆரம்பித்து கிட்டத்தட்ட கடைசி பத்தின் அருகிலும் வந்துவிட்டோம். ஈமானின் ஒரு தூணான நோன்பிற்கு இருக்கும் அனைத்து நற்கூலிகளைப் பற்றியும், அதன் மேன்மைகளைப் பற்றியும் இன்ஷா அல்லாஹ் நீங்கள் அதிகமதிகம் கேட்டிருக்க வாய்ப்புண்டு. இந்த பகுதியில் இன்ஷா அல்லாஹ் அல்லாஹ் ஈமான் கொண்டவர்களுக்கு, மூஃமின்களுக்கு திருக்குர்'ஆன் மூலம் வாக்குறுதி அளிக்கும் 25 வாக்குறுதிகளைக் காண்போம். இந்த பதிவானது,
இமாம் அன்வர் அவ்லகியின் (ஹாஃபிதுஹுல்லாஹ்) பயானிலிருந்து எடுக்கப்பட்டது. ஒலி வடிவத்திலிருந்து அழகாய் ஆங்கிலத்தில் எழுத்து வடிவில் பதிந்த
சகோதரருக்கும் நன்றி. இன்ஷா அல்லாஹ்...இந்த பதிவு, இன்னும் அதிகமாக ஈமான் கொள்ள வைப்பதற்கும் அதன் மேல் இன்னும் அதிகமாக அமல் செய்ய தூண்டவும் துணை செய்யும் நோக்கத்துடனே இங்கு பதிக்கப்படுகின்றது. இன்ஷா அல்லாஹ் அவ்வாறே பயன் தர து'ஆ செய்யவும்.
இமாம் அன்வர் அவ்லகி(ஹாஃபிதுஹுல்லாஹ்) அவர்கள் தன்னுடைய பயானில் இந்த வாக்குறுதிகளெல்லாம் அல்லாஹ் சுப்ஹானஹுவத ஆலா ஈமான் கொண்டவர்களுக்காக அளிக்கும் வாக்குறுதிகள் என்றும், இன்னும் பல வாக்குறுதிகள் பொறுமை காப்பர்களுக்கும் அல்லது அதிக தக்வா உடையவர்களுக்கும் என வகை வகையாக இருக்கின்றது, எனினும் இந்த 25 வாக்குறுதிகள் ஈமான் கொண்டவர்கள் (அல் முஃமினூன்) அனைவருக்கும் வாக்களிக்கப்பட்டது என்று கூறுகிறார். எனவே மற்ற வாக்குறுதிகளைப் பற்றி இங்கே நாம் காண மாட்டோம். இன்ஷா அல்லாஹ் அதற்கும் அல்லாஹ் வழி காட்டுவானாக. ஆமீன்.
கவனிக்க:- குர்'ஆன் ஆயத்துக்களின் தமிழாக்கத்தை தமிழில் குர்'ஆன் தளத்திலிருந்து உபயோகித்துள்ளேன். ஏதேனும் தவறு இருந்தால் சுட்டிக் காட்டவும். இன்னும் அழகிய தமிழாக்கம் வேறு ஏதேனும் தளத்தில் இருந்தாலும் தெரிவிக்கவும், இன்ஷா அல்லாஹ்.
- குர்'ஆன் வசனங்களின் கீழ் காணும் எல்லா விளக்கங்களும் இமாம் அன்வர் அவ்லகியினுடையது(ஹாஃபிதுஹுல்லாஹ்) ஆகும். தமிழாக்கம் படுத்தும்போது சில சொற்றொடர்களோ அல்லது வார்த்தைகளோ மாற்றம் தருமாயின் அது என்னை சாரும். தயவு செய்து சுட்டிக் காட்டவும்.
- அல்லாஹ் ஒரு வாக்குறுதி அளித்தால் அது நடந்தே தீரும் அதில் எந்த மாற்றமும் இல்லை. ஏனெனில் அல்லாஹ் சுப்ஹானஹுவத ஆலா கூறுகின்றான்,
(இதுவே) அல்லாஹ்வின் வாக்குறுதி - அல்லாஹ் தன் வாக்குறுதியில் மாற மாட்டான். (திருமறை 39:20)
மேலும் இன்னுமோர் இடத்தில் அல்லாஹ் கூறுகின்றான்,
அல்லாஹ்வின் வாக்குறுதி உண்மையானது; அவன் (யாவற்றையும்) மிகைத்தவன்; ஞானம் மிக்கோன். (திருமறை 31:9)
- எனவே எவருக்கேனும் இந்த வாக்குறுதிகள் அவர்கள் வாழ்வில் நடக்கவில்லையே என்று கவலையோ சந்தேகமோ இருந்தால், தன்னுடைய ஈமானை சோதித்துக் கொள்ள வேண்டும். அதன்மேல் செய்யும் அமலை பரிசீலிக்க வேண்டும். நிச்சயமாக அல்லாஹ்வின் வாக்குறுதியில் எவ்வித குறைகளும் இருப்பதில்லை. மாறாக நம்முடைய ஈமானே குறைகளுடையது. இதை அனைவரும் உணர்ந்து கொள்ள வேண்டும்.
- அல்லாஹ் நம் அனைவரையும் அந்த அளவிற்கு உயர்ந்த ஈமான் கொண்டவர்களாக வாழவும் அதே ஈமானுடன் இறப்பதற்கும் அருள் செய்வானாக ஆமீன். ஆமீன். யா ரப்பில் ஆலமீன்.
.
